Лидерот на проруските сепаратисти во источна Украина најави евакуација на жителите од неговиот отцепен регион во југоисточна Русија во петокот по силно гранатирање.
Објавувајќи ја одлуката на социјалните мрежи, Денис Пушилин, шеф на самопрогласената Народна Република Доњецк, рече дека Русија се согласила да обезбеди сместување за луѓето што заминуваат и дека приоритет треба да бидат жените, децата и постарите лица.
Нема коментари ниту од руски официјални лица, ниту од Киев, а сведок на Ројтерс во главниот град на регионот Доњецк изјави дека се уште нема знаци на евакуација.
– Од денеска, 18 февруари, организирана е масовна централизирана евакуација на населението во Руската Федерација. Прво треба да се евакуираат жените, децата и постарите лица – рече Пушилин.
Вашингтон и неговите сојузници изразија стравување дека зголемувањето на насилството во регионот може да биде дел од изговорот на Русија за инвазија на Украина. Тензиите веќе се зголемени поради акумулацијата на руската армија на границата со Украина.
Русија, која негира дека го планирала нападот, во петокот изрази загриженост поради наглото зголемување на гранатирањето во регионот познат како Донбас.
Неколку стотици илјади луѓе планираат да ја напуштат Доњецката Народна Република во руската област Ростов.
