Утрински Весник
Свет

(Видео) Напад со нож во Ерусалим, има повредени

(Видео) Напад со нож во Ерусалим, има повредени

Израелски војник и цивил се ранети денеска во источен Ерусалим, а напаѓачот oд Пакистан е убиен од страна на полицијата, која нападот го опиша како терористички.

Израелската Брза помош објави дека во нападот се повредени двајца мажи, на возраст од околу 20 години, а еден од нив се здобил со тешки повреди.

Инцидентот се случил во близина на населбата Шеик Џарах, каде претходно почнаа масовни протести поради најавеното иселување на палестинските семејства, а тој инцидент служеше и како причина да започнат 11-дневни борби меѓу Израел и Хамас во Газа.

Израелската армија соопшти дека еден од ранетите е израелски војник.

„Војникот доби медицинска помош на самото место и беше пренесен во болница за понатамошно лекување“, се вели во соопштението на армијата.

Еден од двајцата избодени мажи носел униформа на израелските воздухопловни сили.

Можете да прочитате

Зеленски во понеделник ќе го посети Макрон во Париз

Унгарија преговара за руски нафтени акции поради санкциите

Црна Гора ќе воведе визи за руски државјани