Украинскиот претседател Володимир Зеленски изјави дека украинската армија воспоставила контрола над повеќе од 60 населени места во регионот Херсон и дека се спроведуваат мерки за стабилизација.
Тој додаде дека руската војска ја уништила целата критична инфраструктура во градот пред да побегне, вклучувајќи ги и комуникациите и снабдувањето со вода, греење и електрична енергија.
„Пред да избегаат од Херсон, окупаторите ја уништија целата критична инфраструктура: комуникациите, вода, греење, струја“, рече Зеленски.
„Русите насекаде имаат иста цел: да ги понижуваат луѓето што е можно повеќе. Но, ние ќе вратиме сè, верувајте ми“, продолжи тој.
„Полицијата започна мерки за стабилизација“, рече Зеленски, додавајќи дека досега се отстранети речиси 2.000 мини и неексплодирани гранати.
