Заменик на шерифот Мајкл Кастанеда во округот Сан Бернардино, Калифорнија, неодамна доби награда за храброст за спасување на дете од автомобил заглавен на шините секунди пред да удри воз.
Кастанеда, кој се враќал дома и не бил на должност, забележал автомобил заглавен на шините токму кога рампите почнале да се спуштаат. Жената која го возела автомобилот избезумено се обидувала да го ослободи возилото, но не успеала.
Излегла од возилото, едното дете го ставила на земја и се вратила да го земе другото, бидејќи возот опасно се приближувал.
„Слушнав сирена на возот, а тоа беше аларм за мене – Сè се случи во дел од секундата, но знаев дека морам брзо да дејствувам“, рече Кастанеда, кој истрча до автомобилот, го зеде детето и го отстрани.
Канцеларијата на шерифот на округот Сан Бернардино го објави видеото, нарекувајќи ги постапките на Кастанеда вистински пример за храброст и посветеност на заедницата.
„Јас само го правев она за што бев обучен. Да им помагам на луѓето – тоа е мојата работа“, заклучи Кастанеда, поранешен маринец.
