Францускиот дефанзивец Кастело Лукеба официјално стана играч на Лајпциг. Лукеба во Лајпциг дојде како замена за Јошко Гвардиол, кој се пресели во Манчестер сити.
Лукеба со Лајпциг потпиша петгодишен договор и ќе го носи дресот со број 23. Неговиот досегашен клуб, Лион, од трансферот заработи 34 милиони евра, а според договорот ќе инкасира и 20 отсто од наредниот трансфер на фудбалерот.
Лукеба започна во младинската школа на Лион, а своето професионално деби го имаше во 2021 година. Во текот на претходните две сезони настапи на 58 натпревари во францускиот шампионат и постигна четири гола.
Стоперот настапува за француската репрезентација до 21 година, а досега за таа селекција има одиграно 10 натпревари. Нов соиграч ќе му биде Мохамед Симакан, кој е и негов партнер во одбраната на младите „триколорите“.
Лајпциг следниот натпревар во Суперкупот на Германија ќе го одигра против Баерн. Натпреварот ќе се одигра утре од 20:45 часот.
Новата сезона во Бундеслигата започнува на 18. август, а избраниците на Марко Розе гостуваат кај Баер Леверкузен во првото коло.
