Српскиот претседател Александар Вучиќ изјави дека ситуацијата во Косово е „ужасно тешка“ и дека децата на возраст од 12 и 13 години се подготвени да умрат бидејќи на сите им е преку глава од косовскиот премиер Албин Курти.
„ Децата од 12, 13 години се подготвени да умрат, што мораме да го спречиме тоа. Доста им е од Курти“, рече Вучиќ на прес-конференција по средбата со претседателката на Словенија Наташа Пирц Мусар.
Кога станува збор за апсењето на тројца припадници на косовската полиција, за кои Србија тврди дека се специјалци уапсени на територијата на централна Србија, а Косово тврди дека се граничари кои биле зад административната линија, Вучиќ вели дека Курти со својата изјава признал дека биле таму каде што не смеело.
