Претседателот на Србија Александар Вучиќ, денеска изјави дека вчера не е првпат да се забележат авиони над касарната на српската војска и дека прво следело предупредување, бидејќи, како што рече, не можеме да дозволиме некој да шпионира наша касарна.
На прашањето на новинарите за време на вежбата „Маневри 2022“, што е тоа што го штити небото на Србија, со оглед на настаните од претходните денови, Вучиќ изјави дека луѓето обично живеат во времето од пред 20 или 30 години, а работите значително се промениле.
На воениот полигон Пасуљанска ливада, во рамки на заедничката вежба на вооружените сили на Србија „Маневри 2022“, припадниците на Третата бригада на копнената армија и резервните сили вежбаат употреба на различно оружје и борбена опрема и гаѓање од земјата денес.
„Србија е многу посилна, но да не мислиме дека сме толку силни што можеме да се натпреваруваме со најголемата светска сила. Силата на Србија е неспоредлива денес, во споредба со минатото, но од друга страна, не станува збор за силата, но на политиката, да можеме да го зачуваме мирот, а тоа е наш приоритет и правиме се да го оствариме“, рече српскиот претседател.
