Интегрален текст од соопштение на Вреди:
Коалицијата ВЛЕН ја отфрла интерпелацијата на Блерим Беџети, Муса Џафери, Садула Дураку, Артан Груби и пратениците на ДУИ и Европскиот фронт како неодговорен однос кон граѓаните и нивната иднина.
Ова е класичен предвидлив чекор на ДУИ кој следува после оркестрираното и организирано нарушување на мирното славање на 28 ноември од страна групи блиски до ДУИ и Артан Груби.
Креираа проблеми и сега вината ја префрлуваат на друг. ДУИ ги организираше проблемите и инцидентите.
Креираат проблем, ги изложуваат граѓаните на ризик, ги оставаат на немилост, бегаат од нив и на крај се обидуваат да користат политички поени.
Блерим Беџети, мирниот и послушен министер на Груевски кој беше Министер за правда кога се случи случајот Монструм и ништо не превземе да се расчисти, туку ги остави луѓето да страдаат. Министерот кој доделуваше тендери на своите кабинетски вработени и заедно со Сашо Мијалков беше главен кадровик во правосудството, беше фатен со оружје и наркотични средства во дискотека, бизнис партнерот на Данела Арсовска, најмалку има право да поднесува интерпелација против вицепремиерот Изет Меџити и против заменик министерот Астрит Исени.
Интерпелацијата треба да ја поднесе во ДУИ против лицата блиски до Артан Груби кои ги организираа инцидентите и ја нарушија свечената и убава прослава на денот на албанското знаме.
Не можете да се нарекувате Европски фронт, а да се обидувате да ја дестабилизирате државата и со тоа да ја одалечувате од европската перспектива, само затоа што се плашите од последиците на својот криминал. Оваа интерпелација е политички маневар без основа.
ВЛЕН ќе продолжи со реформите и градењето на институционална стабилност, за разлика од оние кои го злоупотребуваат својот мандат за лични интереси. Граѓаните заслужуваат одговорна политика, а не враќање кон минатиот хаос. Попатно, ништо нема да ги спаси овие луѓе од последиците на својот криминал и штетата што им ја направија на Албанците во Северна Македонија.
