Антивладините протести „Да ги блокираме се“ се одржуваат низ цела Франција, што ја покажува длабочината на политичката криза во земјата – токму на денот кога новиот премиер Себастијан Лекорну (петти за две години) ја презеде функцијата.
Додека Лекорну , конзервативен штитеник на Макрон, кој досега беше министер за одбрана, вети „длабок раскин“ со минатото во резиденцијата на премиерот, низ целата земја – од Париз, Лил, Стразбур – улиците веќе беа полни со демонстранти и слогани како „Стоп на Макрон и буржоазијата“, објавува Гардијан .
Лекорну ќе каже дека „во наредните денови“ ќе се обрати до нацијата за да го објасни својот пристап, кој ќе биде различен од претходниот, и дека „не само по метод“.
Екстремната левица, партијата Неосвоена Франција (LFI), веќе објави дека ќе поднесе предлог за недоверба на Лекорну во парламентот, иако во моментов без поддршка од другите партии.
Протестите на улиците низ Франција се одржуваат како израз на незадоволството на граѓаните од претседателот Емануел Макрон, а досега доведоа до судири со полицијата, како и до прекини во сообраќајот, училиштата и другите услуги.
Претходно во текот на денот, Франција распореди 80.000 полицајци низ целата земја за справување со демонстрантите. Министерот за внатрешни работи Бруно Ретаџо ги предупреди демонстрантите дека ќе има „нулта толеранција“ за насилство.
И покрај повикот на левичарската коалиција на организатори да „блокираат сè“, таа цел беше само делумно постигната.
175.000 луѓе учествуваа во протестите, а 473 лица беа уапсени
Министерството за внатрешни работи на Франција соопшти дека 473 лица се уапсени за време на протестите низ целата земја, вклучувајќи 203 во Париз. Според Министерството, 13 припадници на безбедносните сили се полесно повредени.
Според извештаите, најмалку 175.000 луѓе учествувале во протестите, а низ целата земја се одржале 550 собири, објави BFMTV.
