Турските власти приведоа најмалку 47 лица по серија рации во канцелариите на ЛГБТК+ организациите како дел од истрагата за проституција и непристојност, соопштија обвинителите.
Операцијата е дел од кампања за која владата вели дека има за цел заштита на семејните вредности. Канцеларијата на главниот обвинител во Истанбул соопшти дека операциите биле спроведени во 12 провинции во текот на викендот против 38 осомничени, а 26 биле приведени. Властите соопштија дека заплениле дрога, дигитална опрема, шверцуван алкохол и огнено оружје.
Во посебна изјава, Канцеларијата на главниот обвинител на Анкара објави дека уште 21 лице е приведено како дел од истрагата за ЛГБТК+ здружението „Каос ГЛ“, а дека по пет лица сè уште се трага.
Каос ГЛ објави дека најмалку 50 активисти се приведени, а повеќе од 10 се земени во полициски рации во нивните домови. Исто така, беше објавено дека властите го блокирале пристапот до десетици веб-страници и профили на социјалните медиуми поврзани со ЛГБТК+ организации, активисти и застапници за човекови права.
Владината акција, организирана под името „Моето семејство е безбедно“, доаѓа во време кога претседателот Таип Ердоган ја промовира „Деценијата на семејството и населението“, иницијатива дизајнирана да се справи со проблемот на намалување на наталитетот и стареењето на населението.
Групите за човекови права ја обвинија турската влада дека во последниве години сè повеќе се фокусира на ЛГБТК+ заедницата преку заострување на реториката и ограничувањата
