Кинескиот град Шангај денеска нареди масовно тестирање за Ковид на 1,3 милиони жители на општината Јангпу и тие ќе останат во „локдаун“ додека не се знаат резултатите од тестот.
Спроведени се строги мерки низ целата земја, од Шангај на исток до Тибет на запад, каде се одржаа протести против локдаунот, објави „Ројтерс“.
Телефонско видео од тибетскиот регион покажува толпа луѓе, и Тибетанци и мигранти Хан, кои маршираат низ улиците на градот Ласа во знак на протест против 74-дневното заклучување.
Според британската новинска агенција, во средата вечерта беше објавено видео од протестот, но немаше траги на насилство.
