Во септември годинава, во земјава се потрошени 373.518 мегават-часови електрична енергија, 19,406 милиони нормални кубни метри природен гас, 368.114 тони јаглен и 95.577 тони нафтени продукти.
Според податоците на Државниот завод за статистика, 100 отсто од потрошената електрична енергија е од домашно производство, а 99,9 отсто од јагленот е користен за производство на електрична енергија. Во септември 2025 година е произведено повеќе електрична енергија отколку што е потрошено – вкупната бруто-произведена електрична енергија изнесува 391.740 мегават-часови, што е 4,9 отсто повеќе од домашната потрошувачка.
Во однос на септември 2024 година, потрошувачката на природен гас е намалена за 15,5 отсто, поради намалена активност на когенеративните постројки, а потрошувачката на нафтени продукти е намалена за 13,2 отсто.
