Во Охрид денеска на свечена церемонија ќе им биде доделено признанието „Инженерски прстен 2025“ на 14 млади инженери од различни области.
Признанието ќе го врачи претседателката Гордана Сиљановска-Давкова, а свеченоста ќе се одржи на платото пред црквата „Свети Климент и Пантелејмон“ – Плаошник во Охрид.
Признанието им се доделува на најуспешните студенти кои дипломирале на факултетите што негуваат инженерски дисциплини на четирите државни универзитети.
Манифестацијата се одржува по 22. пат, а е во организација на Инженерската институција на Македонија и на Комората на овластени архитекти и овластени инженери, под покровителство на претседателот на државата.
