Над 20 лица, меѓу кои и деца, беа пренесени во болници откако се случи истекување на јаглерод моноксид во градинка во Алентаун, град во американската сојузна држава Пенсилванија.
Пожарникарите први пристигнале на местото на настанот по пријава дека едно од децата е во несвест, изјави капетанот Џон Кристофер.
Кога пристигнале пожарникарите, веднаш биле активирани нивните монитори за јаглерод моноксид во атмосферата и евакуирани се 25 деца и 8 вработени во градинка.
Во болница завршија 27 лица, главно деца.
„Повеќето од хоспитализираните се деца“, изјави Кристофер за NBC News, додавајќи дека сите хоспитализирани се стабилни.
