Утрински Весник
Свет

Во Франција за Велигден зголемено присуството на полицијата пред црквите

1 1.webp.webp
Ss2

Францускиот министер за внатрешни работи Жералд Дарманен денеска побара од полициските префектури во сите градови да распоредат полиција пред сите католички и протестантски цркви во петок и претстојниот викенд, за време на Велигден. Дарманен, во белешката упатена до префектурите, која ја видела агенцијата Франс прес, побара „физичко присуство на полицијата пред сите цркви и други храмови, особено за време на миса во петок и за време на викендот“.

Министерот бара и проверка на лицата кои ќе дојдат во црквите со цел „откривање на можни сомнителни лица“, како и следење на паркираните возила.

Ss1

Тој изјави дека има „многу високо“ ниво на терористичка закана, „постојана меѓународна тензија“ особено поради војната во Појасот Газа и руската инвазија на Украина, поради што е потребно „одржување на крајна будност“ за Велигден.

Франција го подигна нивото на безбедност по неодамнешниот напад во Москва, за кој одговорноста ја презеде Исламската држава, која изврши неколку напади во Франција во 2015 година.

По повод верските празници, Дарманен обично повикува на поголема вклученост на полицијата во верските објекти.

Ss1

Можете да прочитате

Орбан: Западот е на чекор од испраќање воени единици во Украина, Брисел си игра со оган

Нетанјаху најави „уште поболни напади против Хамас“

Пленковиќ и Мицотакис можни наследници на Фон дер Лајен