Внимавајте на брзината и сообраќајните правила – камерите на системот „Сејф сити“ веќе снимаат и испраќаат казни, иако проектот сè уште се наоѓа во пробен период. Министерството за внатрешни работи го пушти во функција системот „Безбеден град, безбедна држава“, кој автоматски ги регистрира прекршоците и ги санкционира прекршителите, а тестирањето ќе трае до Нова година.
Вечерва, редакцијата на 24 Инфо дојде до првата регистрирана казна за брзо возење. Прекршокот е евидентиран на 30.11.2025 година во 19:49 часот на булевар „8 Септември“, во правец кон кружниот тек „Олимпико“. Возилото се движело со измерена брзина од 58 км/час, што е 10 км/час над дозволеното ограничување од 50 км/час за таа локација.
Системот продолжува да работи и во следните недели, а граѓаните се повикуваат да внимаваат бидејќи секој прекршок веќе може да биде автоматски санкциониран.
