Утрински Весник
Политички Партии

ВМРО-ДПМНЕ: Владата на Ковачевски е влада на Бугарија, и на Албанија, затоа владеат со притисоци и уцени

Ковачевски: 324 милиони евра со предлог-буџетот за модерна инфраструктура и капитални инвестиции

Владата на Ковачевски е влада на Бугарија, и на Албанија, не е само влада на Македонија, затоа владеат со притисоци и уцени. Нема барање на Албанија и на Бугарија кое не го исполнија, реагираат преку соопштение од ВМРО-ДПМНЕ.

dobivaj vesti na viber

„Антивладиното расположение кај народот се зголемува со секој насилен обид на Ковачевски и СДС да се одржат вештачки на власт. Тоа го знаат и во СДС, тоа го знае и Ковачевски. Затоа е големата нервоза кај нив. Затоа не знаат кого попрво да обвинат за својата очајна политика. Прво удрија по медиумите, сега удираат и по своите членови и пратеници кои се за предвремени избори“, додаваат од опозициската партија.

Нивните пратеници, на кои, како што велат, им е јасно дека владата на Ковачевски се одржува на апарати, се наоѓаат под сериозен притисок и закани како директни, така и индиректни од посредници, но и насилници и ликови од подземјето.

Според ВМРО-ДПМНЕ, се поголем број членови на СДС и нивни функционери сваќаат дека агонијата со оваа власт може да се прекине само со предвремени избори.

„Тие гледаат дека СДС се претвори во владин приврзок на ДУИ и секој ден власт со Ковачевски е лошо и за СДС и за Македонија. Насилниците и оние кои упатуваат закани кон пратеници, но и нарачателите треба да знаат дека за тоа ќе одговараат. Никој веќе не се плаши на заканите и притисоците на оваа власт, нивниот политички крај се ближи. Борбата за Македонија нема цена и во оваа борба народот ќе извојува победа над власта на Ковачевски“, посочуваат во напишаното од ВМРО-ДПМНЕ.

Можете да прочитате

СДСМ: ВМРО-ДПМНЕ не мора да се извини за договорот ФРОНТЕКС, само нека го поддржи

ВМРО-ДПМНЕ: Ковачевски насилно ја одржува власта на „апарати“ и со две патерици

СДСМ и Ковачевски успешно менаџираат со енергетската криза, сите капацитети во погон