До Собранието на Република Македонија се доставени известувања за престанок на мандатите на пратениците Јане Мицевски, Бети Стаменкоска Трајкоска и Дејан Проданоски, сите од редовите на ВМРО-ДПМНЕ.
Овој потег следува откако тројцата пратеници беа избрани за градоначалници на неодамна одржаните Локални избори, кои се одржаа на 19 октомври и 2 ноември.
Јане Мицевски е избран за градоначалник на Општина Сопиште, Бети Стаменкоска Трајкоска е новата градоначалничка на Општина Кисела Вода, додека Дејан Проданоски ќе ја предводи Општина Прилеп.
Се очекува Собранието, на денешната седница – која е прва по одржувањето на вториот круг од изборите – и формално да го констатира престанокот на нивните пратенички мандати.
По заминувањето на тројцата пратеници, нивните места ќе бидат пополнети со следните кандидати од соодветните изборни листи. На местата на Стаменкоска-Трајковска и Мицевски ќе дојдат нови пратеници од Изборната единица 1, а на местото на Продановски ќе влезе кандидат од Изборната единица 4.
Според најавите, на денешната собраниска седница пред пратениците ќе се обрати и претседателот на Парламентарното собрание на Советот на Европа (ПССЕ), Теодорос Русопулос.
