Соопштение за јавност на ВМРО-ДПМНЕ:
СДС и Венко Филипче во обидот да го заштитат криминалот на Зоран Заев, се скараа со Британците, претходно се скараа со пензионерите на кои заговараа да им се намалат пензиите, се скараа со работниците, со бизнис заедницата, се скараа со целиот народ, а денес се скараа и со медиумите.
Во исто време кога се прикажуваат за лажни душегрижници, тие лепат етикети и вршат брутален атак врз слободната мисла и новинарите. Таквите етикети и толкувања на вестите и загрозување на слободата на медиумите ги сврстуваат во делот на тоталитарни партии од Венецуела или Колумбија.
Тие го имаат својот Ескобар, во ликот на Заев, сега им фали и гушење на слободната мисла. Се прашуваме како ги видоа критичките вести, кои во својата основа се вистина за лагите на Филипче за мигрантите, а не ги видоа насловите на вестите кои се диктирани непосредно од штабот на СДС каде се шират лаги и дезинформации.
Ги повикуваме сите еснафски здруженија да реагираат на ваквото монструозно редење на етикети врз медиумите од страна на СДС и нивниот брутален атак.
СДС и Венко Филипче се скараа со народот, медиумите и со светот, а тоа само значи дека го губат тлото на земјата и се во тежок офсајд.
