Клептоманите од дезертерскиот СДС секој ден ја потврдуваат новата коалиција со уценетата Данела Арсовска. Веќе станува очигледно дека Арсовска има задача да одработува за дезертерот Ковачевски, да дефокусира од секојдневните скандали, од неспособноста и катастрофалната енергетска и економска состојба во која се наоѓа државата, се вели во соопштението од ВМРО-ДПМНЕ.
Коалицијата веќе не ја ни кријат. Заемно си помагаат затоа што имаат големи бизнис-интереси и мерак за матни зделки. Поддршката што СДС ѝ ја дава на Арсовска се гледа и преку скапата кампања и билбордите што ѝ ги плаќаат во време на криза, додаваат од партијата.
Во услови кога немаат дела, својата неспособност ќе ја покриваат со манипулации и лаги. Парите и енергијата што ги трошат против ВМРО-ДПМНЕ, да ги насочеа кон граѓаните, ќе донесеа барем некаков бенефит.
Нека им е со среќа соработката, се вели во соопштението.
