Поранешниот американски претседател Доналд Трамп влезе во судницата, каде формално ќе биде уапсен. Тој ѝ се предаде на полицијата во канцеларијата на окружниот обвинител, во моментов се спроведуваат отпечатоци и процедури пред да биде изведен пред судија.
Тој наскоро треба да се изјасни пред судот во Менхетен за обвинението кое обвинителството во Њујорк го поднесе против него. Се очекува да биде ослободен по читањето на обвинението.
BREAKING: Former President Trump has arrived at the courthouse to surrender and be arrested on criminal charges. https://t.co/Le705IMhsX pic.twitter.com/9asEOA69WI
— NBC News (@NBCNews) April 4, 2023
Обвинението, чија содржина сè уште не е објавена, е поврзано со истрагата што против Трамп ја води обвинителот Алвин Брег, во врска со потеклото на парите платени на порно актерката Сторми Даниелс за дискреција поврзана со нивната врска.
Доналд Трамп кога пристигна пред зградата на судот, при излегувањето од автомобилот кратко мавна со рацете кон насобраните луѓе и влезе во зградата придружуван од агенти на Тајната служба.
