На Манчестер сити му се потребни само два поени во последните три меча оваа сезона за повторно да ја освои титулата од англиската Премиерлига, откако Арсенал доживеа незгоден 0:3 пораз од Брајтон, триумф со кој тимот на Роберто де Ѕерби се доближува до местата кои водат во Европа.
„Топчиите“, кои пред неколку месеци имаа осум поени предност пред Манчестер сити, очигледно паднаа под притисокот во финишот на сезоната – во последните шест меча имаат само две победи.
Катастрофата ја најави Хулио Енкисо со гол во 51. минута, по што гостите ги издржаа сите напади од страна на Арсенал, за Дениз Ундав, кој го замени Ункисо во 82. минута, четири минути подоцна да зголеми на 0:2, пред Первис Еступињан во 96. минута да ја комплетира катастрофата на „топчиите“.
