Од мир и напредок преминавме во хаос и окупација, порача поранешниот специјален пратеник на американскиот претседател Доналд Трамп, за дијалог меѓу Косово и Србија, Ричард Гренел.
Тој го изјави ова откако утринава припадниците на КФОР ги опколија општинските згради на северот на Косово.
Во објавата со наслов „најнови вести“ на Твитер, Гренел сподели видео пред општинската зграда во Лепосавиќ каде се протега бодликава жица и каде се наоѓаат голем број припадници на КФОР.
BREAKING: NATO troops have taken over buildings in Kosovo. American troops and American money.
We went from peace and progress under Trump to chaos and troop occupation under Biden.
Biden is so weak. https://t.co/1D6dtjslp8
— Richard Grenell (@RichardGrenell) May 29, 2023
„Трупите на НАТО окупираа згради на Косово. Американски војници и американски пари. Отидовме од мир и напредок под Трамп до хаос и окупација под Бајден. Бајден е толку слаб“, напиша Гренел.
Србите кои живеат на Косово и Метохија утрово почнаа да се собираат пред општинските згради во Звечан, Зубин Поток и Лепосавиќ. Пред зградите на тие општини има сили на косовската специјална полиција со шлемови и во целосна борбена опрема.
