Кралската тајландска морнарица почна операција за спасување и потрага по 31 лице исчезнато откако воен брод потона во Тајландскиот залив, а десетици луѓе беа извлечени од разбрануваното море.
Триесет и еден од 106-те членови на екипажот на воениот брод Сухотаи се’ уште се водат како исчезнати, изјави адмирал Погкронг Монтрадпалин, портпарол на Кралската тајландска морнарица, неколку часа по почетокот на потрагата.
Екипажот ја „изгубил контролата“ над бродот, кој почнал да тоне веднаш по полноќ, на триесет километри од брегот, во близина на Банг Сафан, во провинцијата Прачуап Кири Кан, на југ. .
Поради неповолните временски услови, оштетен бил електронскиот систем на патролниот брод, што довело до прекин на машините кои обезбедувале негово функционирање.
На снимката направена од морнарицата, може да се види бродот наведнат на едната страна.
กองทัพเรือ ชี้แจงกรณี #เรือหลวงสุโขทัย (ต่อ)
เรือหลวงสุโขทัย ท้ายเรือเริ่มจมน้ำ เรือหลวงกระบุรี พยายามให้ความช่วยเหลือกำลังพลของเรือหลวงสุโขทัยอย่างสุดความสามารถทั้งนี้ กองทัพเรือ จะดำเนินการช่วยเหลือ โดยคำนึงถึงความปลอดภัยของกำลังพลเป็นสำคัญเป็นสำคัญสุด pic.twitter.com/j9ZUgc7agf
— กองทัพเรือ ROYAL THAI NAVY (@prroyalthainavy) December 18, 2022
„Брановите беа високи околу три метри кога бродот почна да тоне“, изјави спасениот морнар за јавната телевизија Тајландски ПБС.
„Кога почнавме да тонеме, облеков елек за спасување и скокнав. Пливав три часа“, рече тој и додаде дека чамецот за спасување не можел доволно да се доближи поради разбрануваните води.
