Снимка од караница, пцуење и разделување во Кривогаштани кружи на социјалните мрежи. Инцидентот се случил на првиот ден од Велигден, а се гледа како двајца полицајци се тепаат меѓу себе. Службените лица се родум од исто село, Житоше. Настанот се случил неколку минути пред пет часот наутро, односно пред разденување.
„Се преземаат мерки за расчистување на случајот. Известен е Одделот за внатрешна контрола, криминалистички истраги и професионални стандарди и ќе биде поведена и постапка за утврдување на дисциплинска одговорност и суспендирање од работното место до донесување на решение во дисциплинската постапка“, соопшти СВР-Битола.
Причината за тепачката помеѓу двете службени лица, кои се облечени во службени униформи засега е непозната.
