Украинскиот претседател Володимир Зеленски го посети Змискиот остров во Црното Море, на 500-тиот ден од почетокот на руската инвазија. Зеленски изјави дека им оддаде почит на украинските херои кои ги дадоа своите животи во битката за тој остров.
„Слободниот остров на слободна Украина. Благодарни сме на сите што се бореа овде против окупаторот. Им оддадовме почит на хероите кои ги дадоа своите животи во оваа битка – една од најважните за време на војната од целосен обем. Слава на сите што се бореа за безбедност на нашето Црно Море!“, изјави Зеленски.
500 days of the full-scale war.
Snake Island. The free island of free Ukraine.
I am grateful to everyone who fought here against the occupiers. We commemorated the heroes who gave their lives in this battle – one of the most important during the full-scale war.
Glory to… pic.twitter.com/RODccfWkWm
— Володимир Зеленський (@ZelenskyyUa) July 8, 2023
Украинскиот претседател додаде дека од тоа место на победа сака да му се заблагодари на секој украински војник за 500-дневниот отпор на руските сили и изрази уверување дека Украина ќе ја добие војната.
На видеото се гледа дека Зеленски со брод пристигнал на Змискиот остров, придружуван од шефот на неговиот кабинет Андрије Јермак.
Зеленски заедно со Јермак и украинските војници положија цвеќе на споменикот на паднатите борци, пренесе агенцијата „Униан“.
Островот на змиите е една од најважните стратешки локации во Црното Море, кој беше заземен од руските сили во февруари 2022 година, а Украина ја врати контролата врз островот на 30 јуни 2022 година.
На ова му претходеше потонувањето на рускиот крстосувач „Москва“ во април, а потоа Министерството за одбрана на Русија неговото повлекување го нарече „гест на добра волја“.
