Масовниот убиец Урош Блажиќ (21), откако во бесно дивеење со автоматска пушка уби осум лица и рани уште 14, побегна во селото Вињиште кај Крагуевац, каде што живеат неговите роднини.
Тоа е село оддалечено околу 50 километри од Младеновац, каде по случаен избор убивал луѓе. Убиецот живее во близина на Младеновац, во селото Дубона. Додека полицијата во тој реон го барала, тој се упатил на југоисток кон Крагуевац.
Успеал да и побегне на полицијата и се сокрил во куќата на роднина. Таму бил до утрово, додека не бил уапсен во таа куќа.
Полицијата пронашла огромен арсенал оружје во куќата во која вообичаено живеат вујкото и дедото на Урош Блажиќ. Тоа видео го објави и Министерството за внатрешни работи на Србија.
21-годишникот веќе бил уапсен за кражба, потоа за оружје, но и за шлаканица на полицаец.
