По страшната трагедија во Кочани, 24инфо ги праша граѓаните дали сметаат дека ќе има целосна одговорност за 59те жртви и стотиците повредени.
Најголем дел од граѓаните не веруваат дека ќе има целосна контрола затоа што сметаат дека целата држава е корумприрана.
„Мислам дека ќе има одговорност, како што слушнав уапсени се многу луѓе, ама работата е што тоа не е од сега. Одговорност треба и за тие пред 10, 12 години, тоа си тлеело и сега излезе на површина. Корупцијата ни е на прво место и тоа е многу лошо“ рече една граѓанка.
Млада скопјанка пак смета дека има многу слаба контрола врз ноќните клубови и кафулиња, додавајќи дека на одредени места без проблем се служи алколхол.
За конкретниот случај не верува дека ќе им одговорност.
„Не верувам, ние сме корупирана држава и тие ќе направат се што е во нивна можност за да прикријат“ рече таа.
Дел од граѓаните по трагедијата во Кочани не се чувствуваат безбедно во дискотеките и клубовите, а дел од нив по страшниот пожар, повеќе не излегуваат во дискотеки.
