Руските сили синоќа ја нападнале областа Херсон на југот на Украина, која неодамна беше делумно ослободена, соопшти гувернерот на Херсонската област.
Во нападите, руските сили убиле пет цивили и повредиле 17, меѓу кои и едно шестгодишно девојче, тврдат властите.
Јарослав Јанушевиќ, гувернерот на Херсонската област, објави дека девојчето е тешко повредено во рускиот напад и е пренесено во болница со повеќе повреди од шрапнели. Нејзината состојба е сериозна, рече тој.
While #Putin claims that #Kherson is part of #Russia, his troops continue to shell the civilian areas of the city. pic.twitter.com/woFkkknCXU
— NEXTA (@nexta_tv) December 24, 2022
Објави дека руските сили ги нападнале ослободените делови на регионот Херсон 74 пати со артилерија, повеќе ракетни фрлачи, минофрлачи и тенкови.
Украинските сили неодамна го ослободија западниот дел на регионот Херсон. Ослободен е целиот дел од тој регион кој се наоѓа западно од реката Днепар, вклучувајќи го и градот Херсон, кој речиси девет месеци беше под руска окупација. Ослободувањето на градот Херсон беше особено значајно бидејќи тој беше единствениот главен град на украинскиот регион кој беше под окупација на руските сили.
