Утрински Весник
Свет

(Видео) Напаѓач уби седум лица на две фарми во Калифорнија

(Видео) Напаѓач уби седум лица на две фарми во Калифорнија

Седум лица се убиени во престрелки на две локации во крајбрежниот град Халф Мун Беј во северна Калифорнија, а делото се чини дека го извршило истото лице, кое било приведено, соопштија локалните власти.

dobivaj vesti na viber

Градот Халф Мун Беј се наоѓа на околу 50 километри јужно од Сан Франциско.

Полицајците кои одговорија на повикот на првата локација пронајдоа четири мртви и уште едно рането лице, а потоа пронајдоа уште три мртви лица на втора локација во близина, изјави шерифот Кристина Корпус на прес-конференција.

Двете локации на кои се случија нападите се фарми, а како што објави Сан Франциско хроникл, една од нив е фарма со печурки.

Снимката објавена од АБЦ 7 во Халф Мун Беј го покажува апсењето во кое двајца мажи во цивилна облека и еден во униформа, со пиштоли во рака, му наредуваат на човекот да излезе од автомобилот.

Осомничениот за престрелката излегол И бил соборен на земја. Набрзо на местото на настанот пристигнале уште вооружени полицајци во униформи.

Во автомобилот на осомничениот е пронајдено оружје, соопшти Корпусот.

Последното масовно убиство се случи пред само два дена во паркот Монтереј каде во престрелка беа убиени 11 лица.

За пукотниците бил информиран и американскиот претседател Џозеф Бајден, напиша на Твитер неговата портпаролка Карин Жан-Пјер. Претседателот „ги повика федералните органи за спроведување на законот да им ја дадат сета потребна помош на локалните власти“, додаде таа, пренесуваат медиумите.

Можете да прочитате

(Видео) Масовна тепачка на жени во авион

Убиена американска политичарка, ФБИ покрена итна истрага

Помпео: Путин немаше да ја нападне Украина доколку Трамп сè уште беше претседател