Опкружен со четворица адвокати во тоги, докторот Жан Митрев седна на обвинителна клупа. Ова е четврти обид да започне судењето против него, откако претходно судењата се одложуваа поради недоставени докази. Пред судот има поддршка, но овој пат, нема аплаузи. Покрај денешното рочиште судот закажа термини и за во четврток и петок.
Жан Митрев и неговата клиника се товарат за измама оти ги држеле во заблуда пациентите со прикривање факти во однос на лекувањето од Ковид-19 со хемофилтрации.
Истрагата за Жан Митрев и неговата болница беше отворена по допрен глас откога Истражувачката репортерска лабораторија (ИРЛ) го објави истражувањето „Нечиста крв“ за пациентите од болницата, а Скопското јавно обвинителство во јануари годинава поднесе обвинение.
