Свеченоста за пуштање на пешачки мост во Конго се претвори во катастрофа кога конструкцијата се урна под нозете на претставниците на високите општествени кругови во Киншаса.
Токму кога организаторот ја пресече црвената лента, мостот се превитка, а централниот дел падна во водата неколку метри подолу.
Присутните следеа со задоволство додека ВИП личностите се мачеа да се симнат, пишува „Ројтерс“.
Никој не е повреден во инцидентот, а шампањот, како што може да се види на видеото, остана неотворен.
