На социјалните мрежи се појавија бројни видеа од невремето на Флорида, а на едно од нив се гледа како во поплавена куќа плива човек.
На видеото кое го објави „Индипендент“, се гледа како во поплавената дневна соба плива маж.
„ Прекрасен ден за капење“ – се слуша како некој вели, додека човек плива во нечиста вода, а над него се гледа лустер.
Оваа снимка е направена на Флорида по разорниот ураган.
Откако ја погоди Куба, Ијан се упати кон Флорида, а повеќе од 2,5 милиони жители на американската држава, на брегот на Мексиканскиот залив, добија наредба за евакуација.
Со постојани ветрови од 185 км/ч, Ијан падна на копно на југозападна Флорида во средата во 15:05 часот по локално време во близина на Кајо Коста како бура од четврта категорија според Националниот центар за урагани (NHC).