Христијан Мицкоски, заложникот на Левицата, лично го потврди континуитетот на ВМРО-ДПМНЕ со ликот и делото на Ванчо Михајлов, истакнува Мартин Костовски, пратеник на СДСМ.
„Самиот Мицкоски потврдува дека ВМРО-ДПМНЕ е континуитет на луѓе што биле извршители на Третиот Рајх, кои го негираат македонскиот идентитет, дека ова партија е идеолошки поклоник на фашизмот. Затоа и воопшто не чуди што основачите на бугарските клубови се фотографирани со Мицкоски затоа што Михајлов е дел од континуитетот на ВМРО-ДПМНЕ“, вели пратеникот од редовите на СДСМ.
Прашува дали ваквиот став го делат и пратениците на ВМРО-ДПМНЕ?
„Што ќе каже Рашела Мизрахи на ваквото скандалозно признание на Мицкоски? Што ќе кажат колегите од ВМРО-ДПМНЕ, кои доаѓаат од градот херој – Прилеп и оние од револуционерно Куманово, што Мицкоски бара да се почитува лик што бил извршител на фашизмот? Уште еднаш Мицкоски покажува дека е слаб, очаен, обичен послушник на Никола Груевски, кој работи единствено на штета на државните и националните интереси“, додава Костовски.
