Во време на најголема економска и енергетска криза Владата предводена од СДСМ и премиерот Димитар Ковачевски преземаат навремени мерки за заштита на граѓаните и фирмите. Обезбедени се храна, струја и енергенси за претстојната зима, изјави на прес-конференција пратеникот и портпарол на СДСМ, Дарко Каевски.
Тој рече дека Владата субвенционира 80 отсто од сметката за електрична енергија за над 600.000 домаќинства и над 70.000 мали и средни компании.
„Со мерката за основните и средните училишта кои се префрлаат на регулираниот пазар, обезбеден е наставниот процес со физичко присуство во зима. Поевтина електрична енергија е обебзедена и за болниците и здравствените установи. Парно во Скопје ќе има за целата грејна сезона благодарение на тоа што го презема Владата откако ВМРО-ДПМНЕ покажа неспособност и се откажа“, изјави Каевски.
Како што додаде, додека СДСМ и Ковачевски преземаат мерки за надминување на енергетската криза, ВМРО-ДПМНЕ и Христијан Мицкоски се посветени на тендери и провизии.
