Расипан автобус го блокираше сообраќајот Градиште-Пештани во Охрид. Тој е застанат среде улица со уклучени жолти трепкави светла, а патниците се преместија во друго возило.
Дополнително, во екот на сезоната, гужви се создава со возилата кои влегуваат и излегуваат од паркингот на автокампот Градиште. Неретко, на овој дел, има паркирани и комбиња.
Полицијата постојано патролира за да спречи создавање колони. Изминативе денови, сообраќајот во Охрид е често закочен заради напливот на туристи.
