Голем дефект на водоводна улична цевка е пријавен на улицата „Роланд Реган“ во општина Чаир, поради што дојде до неконтролирано истекување на вода на коловозот.
На видеото кое дојде 24инфо може да се забележи како голема количина вода извира од асфалтот и се разлева по улицата, предизвикувајќи потешкотии во сообраќајот и загриженост кај жителите од околните објекти.
Засега нема официјално соопштение од ЈП „Водовод и канализација“ – Скопје за причините за дефектот, ниту за тоа кога ќе биде саниран проблемот и дали ќе има прекин во водоснабдувањето.
Граѓаните апелираат надлежните служби итно да реагираат со цел спречување на поголема материјална штета и нормализирање на состојбата.
