На лошата серија на германската фудбалска репрезентација и дојде крај по отказот кој го доби селекторот Ханси Флик, откако во пријателски меч ја победија Франција со 2:1. Англија, пак, победи со 3:1 на непријателски терен во Глазгов против Шкотска во меч кој ја одбележи 150-годишнината од старото ривалство.
Под водство на привремениот селектор, Руди Фелер, Германците дојдоа во водство преку ветеранот Томас Милер уште во четвртата минута од мечот, за Лирој Сане да зголеми на 2:0 во 87. минута од мечот. Само две минути подоцна беше досуден пенал, а Антоан Гризман сигурно реализираше за 2:1.
Англичаните ги „матираа“ Шкотите во три минути – Фил Фоден во 32. и Џуд Белингем во 35. минута донесоа 0:2 водство за гостите, пред Хери Мегваер да си постигне автогол во 67. минута од мечот. Хери Кејн стави точка на мечот во 81. минута.
