Во Индонезија денеска се случи ерупција на вулканот Мерапи, кој исфрли жежок облак на оддалеченост од седум километри, соопштија денеска службите за вонредни ситуации.
Ерупцијата во регионот Јогјакарта се случила околу пладне по локално време, а лавата поминала растојание од еден и пол километар, велат властите.
Жителите на блиската заедница беа предупредени да ги прекинат сите активности во опасните зони во радиус од седум километри околу кратерот.
Мерапи е висок 2.963 метри и е еден од најактивните вулкани во Индонезија. Пред ерупцијата важеше предупредување за еден степен под максимумот.
Надлежните ја следат ситуацијата, а засега никој не е евакуиран.
