Снимка на која се гледаат три диви свињи како се движат низ населбата Водно предизвика бројни реакции кај граѓаните.
„Диви свињи шетаат во населба Водно, снимено денес околу 19:30 часот на улица ‘Питу Гули’, карши Тинекс“, напиша Гоце Бурзески, кој бил сведок на настанот и го објави видеото.
На снимката се забележува како дивите животни слободно се движат по улицата, во непосредна близина на станбени објекти и паркирани возила, што повторно го отвори прашањето за се почестата појава на диви животни во урбани средини и потенцијалните ризици по безбедноста на граѓаните.
Засега нема информации за пријавена материјална штета, повредени лица или интервенција од страна на надлежните служби.
