Вицепремиерот за економски прашања, заедно со државната секретарка во Министерството за образование и наука, Билјана Казанџиска го посети Основното училиште Визбегово во истоимената населба.
„110 милиони денари инвестираше Владата во изградбата на новото и модерно основно училиште кое недостасуваше во населбата Визбегово. Ова ново училиште не само што просторно ќе ги задоволи потребите за одвивање на квалитетен и непречен образовен процес, туку ќе служи и како центар за социјален и културен развој на децата од Општина Бутел, Чаир и Шуто Оризари. Владата има за цел на идните генерации од овој дел на Скопје да им даде можност да развијат знаења и вредности кои се потребни и за нашата економија и изградбата на посветла иднина за сите“ изјави вицепремиерот Битиќи.
