Во пожар во мала фабрика за облека на Филипините загинаа 15 лица бидејќи пожарникарите не можеа навреме да стигнат до зградата поради поплавите во областа.
Покрај поплавите, пожарникарите доцнеа и поради метеж, а им беше дадена погрешна адреса, изјави Наум Тароза од Бирото за противпожарна заштита.
Пожарот во селото Таданг Сора во предградието на Кезон Сити е изгаснат по два часа, а истрагата за причините за пожарот е во тек.
At least 15 people killed in residential fire in Tandang Sora area of Quezon City, Philippines, local media reports; blaze now under control pic.twitter.com/KpGTzw1UBH
— Factal News (@factal) August 31, 2023
Се претпоставува дека повеќето од жртвите се работници во фабрика, кои спиеле во своите соби кога избувнал пожарот.
Меѓу загинатите се и сопственикот на фабриката и неговото дете, изјави Наум Тароза.
Три лица преживеале со повреди со кои се здобиле панично скокајќи од вториот кат на фабриката, рече Тароза.
Во фабриката се чувале запаливи материјали и текстил што се користат за изработка на облека.
