Владимир Блажев – Панчо засекогаш ќе остане запаметен по неговите музички хитови, хумани дела, но и по својот придонес за хипхоп-културата во Македонија и регионот.
Имено, тој беше основач на Sure Shotz, екипа која веќе две децении активно ја негува и промовира хипхоп-музиката.
Тие се огласија на социјалните мрежи изразувајќи ја својата благодарност за се’ што има направено за музичката сцена.
„Со длабока тага ве известуваме дека утрово не напушти Панчо, нашиот ментор, другар и постар брат.
Како екипа сме му бескрајно благодарни за се’ што има направено за нас и за сцената, и ветуваме дека ќе продолжиме таму каде што тој застана.
Почивај во мир Стари!“, напишаа од Sure Shotz на нивниот официјален инстаграм-профил.
