Макс Верстапен доминираше на трката за Големата награда на Кина.
Ова беше 58. победа во кариерата за Холанѓанецот, четврта во пет трки сезонава, а прва на патеката „Шангај“.
Трката беше интересна, но ништо не можеше да го спречи возачот на Ред Бул на патот до нова победа.
Ландо Норис (Мекларен) заврши на второто место, со 13 секунди заостанување зад победникот. Ова е втор пат за Норис оваа сезона да се искачи на подиумот. Тој беше трет на трката за ГН на Австралија.
Трет беше вториот возач на Ред Бул, Серхио Перез, кој заостана четири секунди зад Норис.
Четвртото и петтото место ги зазедоа возачите на Ферари – Шарл Леклер и Карлос Саинц.
Шестото место го освои Џорџ Расел (Мерцедес).
Фернандо Алонсо во Астон Мартин заврши седми, со најбрз круг на трката.
Вториот возач на Мекларен Оскар Пјастре беше осми.
Луис Хамилтон (Мерцедес) заврши како деветти, по катастрофалните квалификации во саботата.
Последниот бод го освои Нико Хулкенберг (Хаас).
Во генералниот поредок сега води Верстапен со 110 бодови, а по него е Перез со 85.
Следната трка е во Мајами за две недели.
