Доцна вечерва, околу 22:40 часот, на улицата Пластичарска во Скопје се случила тешка сообраќајна несреќа во која учествувале патничко возило и мотоцикл.
Според првичните информации, во несреќата тешко е повреден возачот на мотоциклот.
На местото на настанот веднаш пристигнала екипа на Итната медицинска помош, која му укажала прва помош на повредениот, по што тој бил пренесен во Градската општа болница „Св. Наум Охридски“ за понатамошно лекување и утврдување на степенот на повредите.
Полицијата извршува увид на местото на несреќата и го обезбедува просторот, а дел од сообраќајницата е привремено затворен за сообраќај додека траат истражните активности.
Причините за несреќата засега не се познати и се очекуваат повеќе информации по завршувањето на увидот.
