Дербито од 5. коло во плеј-офот на македонската машка ракометна Супер лига, одиграно во „Автокоманда меѓу домашниот Алкалоид и Вардар му припадна на поискусниот гостински тим (27:23). Со овој триумф „црвено-црните“ му се реваншираа на Алкалоида за минатосезонските порази кои беа решавачи и за загубената титула. Овојпат Вардар не дозволи такови изнеандување. Избраниците на тренерот Владо Недановски играа сигурно, па по првото полувреме обезбедија предност од осум голови разлика (16:8). Во вториот дел Вардар дојде и до највисоките девет голови предност, по што го зафати период од десет минути без постигнат гол, што Алкалоид го искосристи за да го ублажи поразот на само четири голови разлика (23:27). Најефикасен во редовите на Вардар беше Марко Срдановиќ со седум постигнати голови, а кај домаќинот со осим погодоци заврши Мартин Серафимов. Сега Вардар е на третата позиција со 12 бодови, колку и четвртопласираниот Алкалоид.
