Играчот од средниот ред на Реал Мадрид, Федерико Валверде, би можел изненадувачки да направи трансфер во Ливерпул. Според „Ел Насионал“, Ливерпул ја зголемил понудата за Валверде на 90 милиони евра.
Менаџерот на „црвените“, Јирген Клоп, смета дека Уругваецот би бил идеално засилување за средниот ред на Ливерпул.
Претседателот на Реал Мадрид, Флорентино Перез, наводно размислува да ја прифати понудата.
Во сезоната 2022/23, Федерико Валверде за Реал Мадрид имаше 56 настапи во сите натпреварувања, постигнувајќи 12 гола, со седум асистенции.
