Најмалку 78 лица загинаа, а десетици се водат за исчезнати кога денеска се преврте и потона рибарски брод со мигранти во близина на брегот на Грција, соопштија властите.
Крајбрежната стража, морнарицата и трговските бродови се вклучени во голема операција за пребарување и спасување, со помош на авиони и хеликоптери.
Властите соопштија дека досега биле спасени 104 лица откако бродот потонал во текот на ноќта во меѓународни води на околу 75 километри југозападно од јужниот грчки полуостров Пелопонез, пренесе АП.
Ова место се наоѓа во близина на една од најдлабоките области на Средоземното Море.
Не е јасно колку други патници се во водата или заробени во потонатиот брод, но првичните извештаи сугерираат дека можеби имало стотици луѓе на бродот.
Тоа е најсмртоносниот бродолом во Грција оваа година, пренесува Ројтерс.
