Иако грејната сезона сè уште не е започната, Скопје повторно се гуши во смог и загаден воздух. На фотографијата направена утрово јасно се гледа густата магла која не е ништо друго освен слој од штетни честички што го прекрива градот.
Во скопските населби Драчево и Лисиче ситуацијата е уште потешка. Жителите велат дека не можат ниту прозор да отворат, а камоли да излезат надвор. „Со гас маски треба да шетаме, сопствениот народ си го уништуваме,“ вели загрижен граѓанин од Драчево.
Граѓаните со право се прашуваат – ако вака изгледа воздухот во септември, што ќе се случува во ноември и јануари, кога ќе се вклучат грејните тела и кога загадувањето традиционално достигнува највисоки нивоа?
Проблемот со загадениот воздух одамна е препознаен, но решенија нема. Наместо конкретни мерки и стратегии, жителите на Скопје секоја есен и зима дишат отровен коктел од ПМ честички, издувни гасови и индустриски емисии.
