Времето денес ќе биде стабилно и претежно тивко со ниска облачност и магла во котлините. Попладне ќе биде сончево со мала до умерена облачност. Минималната температура ќе биде во интервал од -2 до 7, а максималната ќе достигне од 14 до 19 степени.
Во Скопје претпладне со појава на магла и ниска облачност, преку денот сончево со умерена облачност. Минималната температура ќе се спушти до 5, а максималната ќе достигне до 15 степени, информираат од УХМР.
В петок ќе биде променливо облачно со умерен, а по должината на Повардарието засилен северен ветер. Попладне, во текот на ноќта и в сабота претпладне ќе има повремени врнежи од дожд, а на повисоките планини повремен снег. Дневната температура ќе опадне за неколку степени.
